تــــــــــــــــــــــــــبریز
یئنه خــــزان اولدو غـــــم وار ایچینده
سویوق دور، سازاق وار هر کرپیجینده
باسیرسان باغریوا آخشام گئجــــینده
تانیشــــی، ئؤزگه نی، آمانلی تبریز
اوره گی داغ، باشی دومانلی تبریز
***
سحـــــــــرلر یئلینله قوجاقلاشیرام
هر آخشام چاغیندا موغـام یاشیرام
هاچان کی گوزوندن اوزاخلاشــیرام
چاغیریرسان یئنه، زامانلی، تبـــریز
اوره گی داغ، باشی دومانلی تبریز
***
سسیم ده گؤیون تک ایلدیریم شـاخیر
ککلیــک بولاغیندیر گوزومدن آخـــــــــــیر
باخیرام ارکــــــــــ-ینه، او منه باخـــــــیر
کوچه سی، بازاری، دالان لی تبریز
اوره گی داغ، باشی دومانلی تبریز
***
توپراغـین قیزیل دیر، آغاجین قارا
چکــیلیب قلـــم لر قوینون دا دارا
هر گلن ووروبدور قلبیــنه یـــــارا
دوواری، قاپیــسی آل قانلی تبــریز
اوره گی داغ، باشی دومانلی تبریز
***
قورخـــــورام، اگیـبلر داغلار باشیــــنی،
سوکوبلر کوکسونده گوی دام داشینی،
ایتیروق، بوراخـــما یار یولداشـــــــینی،
سورگونوق، قوجالی، جاوانلی، تبریز
اوره گی داغ، باشی دومانلی تـــبریز
شلاله قدسی
3 مهر 99
برچسب‌ها:تبریز, شلاله قدسی, آذربایجان, ارک تبریز
